Vacancy ID

4598

Department/Authority

An Garda Síochána 

Department/Authority Website

https://www.garda.ie

Working pattern

Full-Time 

Advertising Date

11/05/2026
 

County

Nationwide 

Location

Carlow, Cavan, Clare, Cork, Donegal, Dublin, Galway, Kerry, Kildare, Kilkenny, Laois, Leitrim, Limerick, Longford, Louth, Mayo, Meath, Monaghan, Offaly, Roscommon, Sligo, Tipperary, Waterford, Westmeath, Wexford, Wicklow

Closing Date for Application

03/06/2026, 15:00
 

Grade

Garda Trainee 

Contract

Permanent 

Type of role

Public Sector

Accessibility Information: We are committed to a policy of equal opportunity and encourage applications under all nine grounds of the Employment Equality Act. Please see our Statement on Accessibility

Job summary

Eisceacht is ea An Garda Síochána i gcomparáid le seirbhísí póilíneachta idirnáisiúnta mar chomhlacht aonadach atá freagrach as slándáil an Stáit agus as seirbhísí póilíneachta a chur ar fáil, agus tá sé mar aidhm aige “Daoine a Choinneáil Slán”.

Trí dhul isteach sa Gharda Síochána beidh deis iontach agat a bheith mar bhall d’fhoireann dhinimiciúil agus nuálach. Tabharfaidh an ról seo, agus an tionchar pearsanta a bheidh agat ar dhaoine eile agus ar an bpobal, sásamh duit ar bhealach ar leith.

Beidh tú páirteach in obair fhiúntach agus beidh an deis agat athrú a dhéanamh. Oibreoidh tú i dtimpeallacht thacúil a bhfuil cúrsaí digiteacha mar bhonn taca fúithi agus timpeallacht ar leith a bheidh i gceist.

Tá An Garda Síochána tiomanta ionad oibre ionchuimsitheach, cothrom, ina bhfuil an éagsúlacht chun tosaigh, a chothú agus, dá bharr seo, cuireann muid fáilte roimh iarratais ó iarrthóirí ó chúlraí éagsúla.

Má thagann tú isteach sa Gharda Síochána, athróidh an cinneadh seo do shaol agus beidh tionchar mór agat ar dhaoine eile. Nuair a thagann tú isteach, beidh dúshláin os do chomhair, beidh sásamh le baint as an obair, beidh scileanna nua le foghlaim agat, agus buailfidh tú le cairde nua.

Beidh sásamh ar leith le baint as an tionchar pearsanta a bheidh agat ar dhaoine agus ar an bpobal.

Is post dúshlánach é post an Gharda. Ach is post fiúntach é.

Beidh an t-eolas is déanaí faoin gcomórtas ar fáil ar an leathanach ar a bhfuil eolas faoi na comórtais do Ghardaí Faoi Oiliúint ar publicjobs.ie

Main Duties of the Job

Mar bhall den Gharda Síochána, beidh tú ag obair ar an líne thosaigh, ag tacú le híospartaigh agus le finnéithe, ag cur daoine ar a suaimhneas agus ag cothú muiníne. Ina theannta sin, beidh tú in ann dea-chaidreamh agus muinín a chothú sa phobal.

Tabharfaidh an oiliúint na scileanna duit a bheidh ag teastáil uait chun na feidhmeanna agus na tascanna atá riachtanach i réimse na póilíneachta a chomhlíonadh i sochaí ina bhfuil an éagsúlacht chun tosaigh. Is gairm as a bhfuil sásamh le baint aisti féin í an phóilíneacht, ach gheobhaidh tú tuarastal iomaíoch agus liúntais mhealltacha chomh maith.

Chun áit a bhaint amach mar oiliúnaí, áfach, ní mór duit tabhairt faoi phróiseas roghnaithe mionchúiseach, a dheartar chun a fháil amach an bhfuil na tréithe atá ag teastáil chun a bheith mar bhall den Gharda Síochána agat. 

Mar chuid den fheachtas seo, beidh deis ag iarrthóirí a bhfuil ceol acu spéis a léiriú triail a dhéanamh do Bhanna an Gharda Síochána amach anseo, tar éis dóibh an oiliúint agus an tréimhse phromhaidh a chomhlíonadh.

I ndiaidh na hoiliúna, tabharfaidh an ghairm deiseanna duit obair a dhéanamh i réimsí éagsúla, lena n-áirítear: Póilíneacht Phobail, Smacht agus Rialú Tráchta, Ord Poiblí, Dualgais mar Bhleachtaire, Coiriúlacht Eagraithe a fhiosrú, Ciontaí Calaoise agus Drugaí. 

Tá an Garda Síochána tiomanta seirbhís phóilíneachta a thugann léargas ar phobail éagsúla na hÉireann a chruthú. Mar fhostóir comhdheiseanna, cuireann an Garda Síochána fáilte roimh iarratais ó dhaoine ó gach carn de shochaí na hÉireann.

Information about the organisation

Is eagraíocht atá dírithe ar an bpobal é an Garda Síochána atá freagrach as seirbhísí póilíneachta a chur ar fáil agus as slándáil an Stáit a chosaint, agus spreagann an gá atá ann seirbhísí freagrúla, éifeachtacha agus éifeachtúla a chur ar fáil a fhreastalaíonn ar riachtanais ár bpobal an obair a dhéanann muid.

Tá os cionn 18,000 fostaí ann, baill den Gharda Síochána, baill foirne Shibhialta agus baill de Chúltaca an Gharda Síochána san áireamh, atá tiomanta seirbhís éifeachtach phóilíneachta agus slándála a chur ar fáil.  Creideann muid nach mór muinín, tacaíocht agus comhoibriú na bpobal áitiúil a chinntiú, agus teagmháil a dhéanamh leis na pobail seo chun póilíneacht éifeachtach agus éifeachtúil a chinntiú. Chun a chinntiú go ndéanann muid amhlaidh, tá trí Phrionsabal Póilíneachta mar bhonn taca faoin obair a dhéanann gach ball den Gharda Síochána, a leagann amach an chaoi ar chóir seirbhísí póilíneachta a chur ar fáil:

• Ar bhealach neamhspleách agus neamhchlaonta
• Ar bhealach a chinntíonn go léirítear meas ar chearta an duine
• Ar bhealach a thugann tacaíocht do riar cuí agus éifeachtach an chirt.

Ag Coinneáil Daoine Sábháilte - Keeping People Safe

Benefits

 OILIÚINT, FOGHLAIM AGUS FORBAIRT

• Mar Gharda faoi Oiliúint, comhlíonfaidh tú an Clár Bunoiliúna, an clár oiliúna agus forbartha tosaigh, ina gclúdófar an oiliúint atá ag teastáil chun feidhmiú sa ról agus feidhmeanna an Gharda a chomhlíonadh ar bhealach éifeachtach agus éifeachtúil.
• Maidir leis an gclár, tá Céim (Baitsiléir Ealaíon) ag Leibhéal 7 sa Phóilíneacht Fheidhmeach, atá creidiúnaithe ag Ollscoil Luimnigh, i gceist, ina bhfuil trí chéim oiliúna.
• Nuair a chomhlíonann siad céim 1, deimhnítear Gardaí faoi Oiliúint mar bhaill den Gharda Síochána (cuirtear ‘deimhniú’ ar an bpróiseas seo) agus cuireann siad tús lena dtréimhse phromhaidh (dhá bhliain ó dháta an deimhnithe de ghnáth) de reir fhorálacha na Rialachán (Cead Isteach agus Ceapacháin).
• Cuirfear oiliúint sa bhreis ar fáil duit, bunaithe ar riachtanais do róil áirithe le linn do ghairme.

 SAOIRE BHLIANTÚIL/ SAOIRE BHREOITEACHTA

• Nuair a bhogann siad go Céim II (tar éis a bhfianaithe), beidh 29.5 lá saoire bhliantúil le pá in aghaidh na bliana ag Gardaí Promhaidh, lena n-áirítear laethanta saoire poiblí agus Aoine an Chéasta, agus beidh teidlíocht pro rata i bhfeidhm i gcás tréimhsí seirbhíse níos lú ná bliain amháin.
• Maidir le Gardaí ar dualgas oibríochta, glacfar leis gur gnáthlaethanta oibre iad laethanta saoire poiblí agus Aoine an Chéasta, ach amháin má shocraítear gur laethanta scíthe iad ar an uainchlár.
• Beidh roghanna oibre solúbtha ar fáil le linn do ghairme (le cead ón lucht bainistíochta).
• Tar éis trí mhí d’oiliúint, is féidir saoire bhreoiteachta a fháil a chlúdaíonn do liúntas oiliúna seachtainiúil iomlán do shuas le ceithre seachtaine. Baintear méid na sochar atá iníoctha faoi na hAchtanna Leasa Shóisialaigh de na híocaíochtaí seo le linn na breoiteachta.

PÁ

• Gheobhaidh oiliúnaithe Garda liúntas €354 sa tseachtain ar feadh tréimhse 36 seachtaine oiliúna.
• Cuirfear lóistín agus bia ar fáil agus iad i gColáiste an Gharda Síochána ón Domhnach go dtí an Aoine.
• Tar éis a ndeimhnithe ag 36 seachtaine, bíonn Gardaí faoi Thréimhse Promhaidh ina nGardaí agus bogann siad go dtí an chéad phointe den scála pá arb é €39,194 é (Ón 1 Feabhra 2026), ag ardú de réir a chéile go €60,333 in aghaidh na bliana tar éis 8 mbliana.
• Sannfar Gardaí atá ar promhadh chun oibriú ar an bpríomh-uainchlár sealaíochta (12 uair an chloig), rud a mheallann liúntais bhreise.
• Beidh an deis ag na Gardaí oibriú ar ragobair, a íoctar ar ráta ama go leith, mura n-oibrítear ar an Domhnach/lá saoire poiblí, a íoctar ar ráta ama dúbailte.

Selection Process Details

Molann muid duit d’fhoirm iarratais a chomhlíonadh trí publicjobs.ie/GA

Mar aon leis an gcomórtas seo, tá Comórtas Ginearálta do Ghardaí faoi Oiliúint agus comórtas do Bhaill Incháilithe de Chúltaca an Gharda Síochána á reáchtáil ag an am céanna. Ní féidir le hiarrthóirí na trialacha roghnaithe srl. a dhéanamh ach uair amháin, fiú má tá siad ag cur isteach ar níos mó ná comórtas amháin.

Is cuma cén comórtas a ndearna tú iarratas air, ní féidir leat na trialacha a dhéantar ag Céim 1 den phróiseas roghnaithe a dhéanamh ach uair amháin don ról mar Gharda faoi Oiliúint. Beidh na marcanna a bhaineann tú amach i bhfeidhm i ngach comórtas ar chuir tú isteach air.

Is faoin iarrthóir féin atá sé an comórtas ceart/na comórtais chearta a roghnú. Ní féidir le hiarrthóir ach iarratas amháin a chur isteach do gach comórtas.

Féach ar Leabhrán Eolais an Chomórtais chun tuilleadh sonraí a fháil.